Маж ги избол до смрт сопругата и двата сина додека спиеле.
Тројното убиство се случи рано утринава во семејна куќа во областа Ал Бунок во градот Таиба во централен Израел.
Бара Масаро (26) и нејзините два сина Амир (2) и Адам (6 месеци) се последните во серијата жртви на убиства, објави портпаролот на израелската полиција.
Полицијата соопшти дека осомничениот кој има 30 години е уапсен.
Болничарот Мохамед Араки за локалните медиуми изјави: „Кога стигнавме на местото на настанот, сцената беше крајно шокантна. Видовме жена, бебе и дете без свест и со знаци на насилство. Направивме медицински тестови и се обидовме да ги спасиме. Тие не дадоа знаци на живот и за жал, немавме друг избор освен да прогласиме смрт“.
