Студентските организации денеска организираа протестен марш од местото на несреќата кај „Силбо“ до Собранието, во чест на 22-годишната Фросина Кулакова, која трагично го загуби животот на булеварот „Партизански одреди“ во Скопје.
„Фросина е жртва на системот и неказнивоста“, порачаа студентските организации, нагласувајќи дека маршот е протест против институционалната негрижа. Тие побараа построги санкции за рецидивистите во сообраќајот и итна имплементација на системот „Безбеден град“.
Присутните запалија свеќи во чест на Фросина и испратија јасна порака – никогаш повеќе ваква трагедија!
