Вчера попладне, во 14 часот, во ОВР Гостивар било пријавено дека на регионалниот пат Гостивар – Градец, во селото Сенокос, се случила сообраќајна несреќа помеѓу патничко возило „мерцедес“, со гостиварски регистарски ознаки, управувано од 25-годишниот А. Р. од Градец, и патничко возило „мерцедес“, со странски регистарски ознаки, управувано од 50-годишниот Ш. К. од Сенокос, извести МВР.
„Во несреќата тешки повреди добил малолетен сопатник во возилото со гостиварски регистарски ознаки, констатирани на Ургентниот центар во Гостивар“, соопшти МВР.
Увид на местото извршила екипа од ОВР Гостивар.
