31-годишна жена од Кочани пријавила дека две лица насилно ја внеле нејзината малолетна ќерка во автомобил.
Имено вчера во 03.00 часот во Полициската станица Кочани, 31-годишна жена од Кочани пријавила дека на 04.01.2023 околу 18.00 часот во Кочани, две лица со употреба на сила ја внеле нејзината малолетна ќерка во патничко возило со штипски регистарски ознаки.
Таа по некое време таа успеала да побегне и се вратила дома, информира полицијата.
За настанот бил известен Јавен обвинител и се преземаат мерки за расчистување на случајот.
