Драматични сцени во Велс. Во ноќта кон недела, двајца мажи се заканувале со пиштоли на двајца други мажи. Жртвите првично успеале да избегаат со автомобил, но кратко потоа повторно биле загрозени. Потоа, наводно, бил испукан истрел.
Двајца државјани на Северна Македонија од Велс (на возраст од 26 и 23 години) се осомничени дека во недела, околу 00:35 часот, на улицата Ефердингер во Велс, се заканувале со огнено оружје на двајца државјани на Романија (на возраст од 43 и 36 години), соопшти полицијата.
Брканица низ градот
Двајцата Романци, претпоставувајќи дека напаѓачите сакале пари, побегнале брзо со своето возило. Подоцна следела брканица, при што на плоштадот Гринбах дошло до повторна средба. Двајцата државјани на Македонија излегле од своето возило и се приближиле кон автомобилот на Романците, при што едниот наводно испукал истрел со оружје.
Табличките ги издале напаѓачите
Жртвите повторно побегнале и ја известиле полицијата. Благодарение на регистарските таблички, двајцата осомничени биле брзо идентификувани и уапсени од страна на специјална полициска патрола. Дваесет и шестгодишникот признал дека застанале пред двајцата Романци со пиштоли – една гасна пушка и една “софтган”. Сепак, тој негирал дека сакале да ги ограбат или дека се заканувале. По консултации со обвинителството во Велс, двајцата државјани на Македонија биле предадени во притворскиот центар во Велс.
