Меѓународната кошаркарска федерација (ФИБА) објави нова ранг листа по завршувањето на Евробаскетот, Азискиот куп и Купот на Америка. Репрезентацијата на Македонија назадуваше за едно место, се наоѓа на 53.позиција во светот, односно на 28. позиција во Европа. Од регионот најмногу напредуваа Црна Гора и Босна и Херцеговина, Србија ја задржа истата позиција, а Хрватска назадуваше за три места.
На првите три позиции воопшто немаше промени. Селекцијата на САД и натаму е прва, а по неа е Шпанија, додека Австралија е трета. Следува Аргентина, која напредуваше за три места, а потоа следи Франција, која падна за едно место.
И по Евробаскетот, Србите се на шестото место, а зад нив се Словенците кои паднаа за две позиции по Евробаскетот.
Во Топ 10 се уште и Литванија, Грција и Италија.
Репрезентацијата на Црна Гора напредуваше шест позиции и сега е 18. во светот, додека Хрватска падна за три места и сега е на 23. место.
Екипата на Босна и Херцеговина „скокна“ осум места и се наоѓа на 37.место во светот.
*???????????????? ????????????????????* ????
???? New FIBA World Ranking presented by Nike is out!
???? Check the full ranking: https://t.co/zhilTWwijm pic.twitter.com/bgWXKr0M52
— FIBA (@FIBA) September 26, 2022
Фото/ kfsm.mk/
