Утрински Весник
Свет

Лукашенко го забрани зголемувањето на цените во Белорусија

Лукашенко: Нема да има мобилизација во Белорусија

Белорускиот лидер Александар Лукашенко со декрет го забрани зголемувањето на цените во неговата земја.

dobivaj vesti na viber

„Од 6 октомври се забранува секое поскапување. Забрането!“, рече тој на владиниот состанок во четвртокот, пренесе државната новинска агенција Белта.

„Не од утре, туку од денес“, додаде тој.

Целта на таа наредба е да се осигура дека никој не може да го искористи рокот за покачување на цените, рече 68-годишниот автократ.

Оние кои ќе го прекршат декретот „ќе бидат веднаш уапсени и кривично гонети“, рече тој.

Лукашенко не ја отфрли целосно можноста во иднина да биде неопходно зголемување на цените во некои области, доколку тие бидат официјално одобрени.

Според податоците на Државниот завод за статистика, инфлацијата во Белорусија во август била 17,9 отсто во однос на истиот месец лани.

Особено се зголемија цените на храната. Според предвидувањата на белоруските економски експерти, стапката на инфлација би можела да се искачи на 19 отсто до крајот на годината.

Можете да прочитате

Портпаролот на терористичката „ИД“ го пофали нападот што го изврши во концертна сала во московскиот регион

Трагедија во Јужна Африка: 45 лица загинаа во автобуска несреќа

Илјадници налози на Телеграм блокирани поради повици на терористички напади