Лукас Ернандез многу брзо ќе стане нов играч на ПСЖ. Францускиот репрезентативец ќе потпише договор откако ќе ги мине лекарските прегледи, а Баерн Минхен ќе добие отштета од 50 милиони евра.
Сепак, францускиот репрезентативец не е добредојден во Париз. Лидерот на навивачката група на парискиот клуб, Ромен Мабил, јавно објави дека е против доаѓањето на францускиот репрезентативец.
Мабил објави порака на Инстаграм дека Ернандез „не е добредојден“ во ПСЖ, а француските медиуми ја објаснија позадината на случајот.
Лукас Ернандез е роден во Марсеј, ривалскиот град на ПСЖ, а неговиот татко Жан-Франсоа играше за Олимпик Марсеј. Лукас Ернандез, пак, израснал во Шпанија и настапуваше за Атлетико Мадрид.
Мабиле и другите ултраси на ПСЖ му замеруваат затоа што наводно ги провоцирал по финалето на Лигата на шампионите во 2020 година, во кое Баерн Минхен го победи ПСЖ со 1:0.
Главна цел на парижаните изминатите сезони беше да ја освојат Лигата на шампионите, но сѐ уште не успеале во тоа. Олимпик Марсеј и понатаму е единствениот француски клуб кој го освоил ова натпреварување.
