Илјадници домаќинства во Романија останаа без струја поради обилни снежни врнежи, соопшти Министерството за енергетика. Окрузите Алба, Муреш и Сибиу беа најпогодени.
Властите стравуваат дека претстојниот студен бран дополнително ќе ја комплицира ситуацијата. Се очекува температурите да паднат до минус осум степени на некои места.
Жолт код за опасно време е на сила за поголемиот дел од земјата. Портокалов код важи за окрузите Караш-Северин, Мехединци, Горј и Хунедоара, каде што снежните врнежи ќе продолжат, а налетите на ветер ќе достигнат 90 км/ч.
Ситуацијата во планините е исто така исклучително комплицирана. Двајца туристи беа пронајдени мртви, а уште 97 лица беа спасени во последните 24 часа, објави романската служба за планинско спасување Салвамонт.
