Лидерска средба кај претседателот Стево Пендаровски ќе има ако има согласност од сите лидери. Ова го посочи шефот на државата пред новинарите, прашан дали ќе ги викне претседателот на СДСМ Димитар Ковачевски и претседателот на ВМРО-ДПМНЕ Христијан Микокоски на разговори за уставните промени.
„Во принцип лидерските средби секогаш сум ги организирал ако има согласност од двете претпоставени страни, трите претпоставени страни. До овој момент за хрватскиот предлог нема согласност од другите претпоставени страни“, вели Пендаровски.
Претходно, премиерот Димитар Ковачевски го одби предлогот на лидерот на опозициската ВМРО-ДПМНЕ, Христијан Мицкоски, кој понуди да се сретнат на лидерска средба или ТВ-дуел. Според Ковачевски, лидерска средба не треба да има оти ставовите се познати. За ТВ-дебата – изречно одби. Додаде дека дебата за уставни измени не се води во медиуми.
