Леброн Џејмс го собори најголемиот рекорд во НБА лигата. Тој стана најдобар стрелец во историјата на најдобрата кошаркарска лига во светот и испиша нови страници од историјата.
Шекил О’Нил, кој сега работи како коментатор, го праша Џејмс по натпреварот дали сега се чувствува како најдобар играч на сите времиња.
„Ќе оставам другите да одлучат кој е тоа, да разговараат за тоа, тоа е добра тема за разговор. Лично, би се избрал себеси над и против секој кој некогаш ја играл играта, но секој ќе има свој фаворит, секој ќе си одлучи“, изјави Леброн Џејмс, додавајќи нескромно:
„Знам што донесов и што носам секоја вечер, што можам да направам на теренот. Секогаш се чувствувам како да сум најдобар што некогаш ја играл играта, но има толку многу одлични играчи и јас сум само среќен што сум дел од целото тоа патување“, истакна „Кралот Џејмс“.
Кога беше урнат рекордот на крајот од третата четвртина, играта беше прекината, а Карим Абдул-Џабар симболично му ја предаде топката на Леброн.
„Кариерата на Леброн е кариера на човек кој планираше да доминира во оваа игра. И тоа трае речиси дваесет години. Мора да му се оддаде признание за начинот на кој играше и колку долго издржа и доминираше. Тој ја има таа есенција која не е можно да се дефинира, што се нарекува – лидерство“, изјави Карим Абдул-Џабар.
.@SHAQ: “Does this now make you the greatest player of all time?”@KingJames: “I’m gonna take myself against anybody that’s ever played this game. … I always feel like I’m the best to ever play this game.” pic.twitter.com/5mzrZ59GTG
— NBA on TNT (@NBAonTNT) February 8, 2023
