Лејди Гага одби да настапи на Оскарите и да ја изведе својата номинирана песна „Hold My Hand“ од филмот „Top Gun: Maverick“.
Имено, пејачката морала да одбие да настапи на наградата поради снимањето на продолжението на филмот „Joker: Folie a Deux“. Информацијата ја потврдил продуцентот на Оскарите, Глен Вајс.
„Имаме одлични односи со Лејди Гага и нејзиниот тим, но таа моментално е на средина на снимање филм, а ние сме тука да и оддадеме почит на филмската индустрија и она што е потребно за снимање филм“, рече тој.
Вајс истакна дека целосно ја разбираат причината поради која пејачката нема да може да настапи.
„Таа снима филм и целосно разбираме дека тоа е приоритет во овој бизнис, особено што ги наградуваме филмовите“, додаде тој.
Гага ќе игра верзија на ликот на DC Comics, Харли Квин, психијатар кој се вкрстува со Џокерот пред да се справи со неговите зли начини. Маргот Роби претходно ја играше Квин во „Suicide Squad“ и „Birds of Prey“. Кејли Куоко му го позајми гласот на лик од анимираната серија на HBO Max „Харли Квин“.
Гага минатиот август ја потврди својата улога во продолжението на „Џокер“, а филмот беше опишан како мјузикл.
