Рускиот министер за надворешни работи Сергеј Лавров изрази „надеж“ дека американскиот претседател Џо Бајден ќе се сеќава на кубанската ракетна криза во 1962 година кога се занимава со војната во Украина, пренесува Ројтерс.
Во интервју за руската државна телевизија, Лавров рече дека постојат „сличности“ меѓу војната во Украина и конфликтот во 1962 година, пред се затоа што Русија сега е под закана од западното оружје во Украина.
„Се надевам дека во денешната ситуација претседателот Џо Бајден ќе има повеќе можности да разбере кој и како дава наредби“, рече Лавров. „Оваа ситуација е многу вознемирувачка“, додаде тој.
Напнатиот конфликт од времето на Студената војна се разви кога американскиот претседател Џон Ф.
„Разликата е во тоа што уште во 1962 година, Хрушчов и Кенеди најдоа сила да покажат одговорност и мудрост, а сега не гледаме таква подготвеност од страна на Вашингтон и неговите сателити“, продолжи тој. Лавров додаде дека „подготвеноста“ на Русија и нејзиниот претседател Владимир Путин за преговори „останува непроменета“, пренесе Индекс.хр.
