Нов тренер на германскиот бундеслигаш Лајпциг е Марко Розе (45). Германскиот стручњак ќе го наследи Доменико Тедеско, кој доби отказ по шокантниот пораз (1:4) на домашен терен во Лигата на шампионите од Шахтјор.
Тедеско со Лајпциг освои само пет бода во првите пет кола во Бундеслигата.
Розе минатата сезона беше тренер на Борусија Дортмунд. Тој е всушност од Лајпциг, а играчката и тренерска кариера ја започна во тој град, кога го водеше Локомотив Лајпциг од 2012 до 2013 година.
Марко Розе потоа влезе во системот на Ред Бул, четири години ги водеше помладите категории на Салцбург, а потоа две години и сениорскиот тим. Помина две сезони во Борусија Менхенгладбах, а потоа беше и тренер на Борусија Дортмунд. Тој потпиша договор со Лајпциг до 2024 година.
Es ist offiziell!
Marco #Rose wird neuer Cheftrainer von #RBLeipzig und erhält einen Zweijahresvertrag bis Juni 2024.
Der 45-Jährige tritt damit die Nachfolge von Domenico #Tedesco an.
— RB Leipzig (@RBLeipzig) September 8, 2022
