Утрински Весник
Свет

Лајчак: ЕУ е поподготвена за Балканот отколку што Балканот е подготвен за ЕУ

Лајчак: ЕУ е поподготвена за Балканот отколку што Балканот е подготвен за ЕУ

Специјалниот пратеник на ЕУ за дијалогот меѓу Белград и Приштина, Мирослав Лајчак, изјави дека ЕУ сега е поподготвена за Балканот, веројатно повеќе отколку што е подготвен регионот за овој блок.

dobivaj vesti na viber

Лајчак на онлајн форум организиран од Италијанскиот институт за меѓународни политички студии рече дека сега геополитичката ситуација е променета и дека улогата на ЕУ на Западен Балкан е повеќе стратешка и политичка.

Многу е важно да ја пренесеме пораката дека ЕУ сега е поподготвена за Балканот, веројатно повеќе отколку што е Балканот подготвен за ЕУ, затоа е исклучително важно да се разбере дека вратата сега е повторно отворена“, рече Лајчак на онлајн конференција „Европа и Русија на балканскиот фронт““.

Кога станува збор за претстојната средба со лидерите на Србија и на Косово во Охрид, Лајчак оцени дека „прифаќањето на европскиот предлог би било позитивна порака“, посочувајќи дека сега е неопходно да се фокусираме на спроведувањето на анексот, кој ќе биде главна тема на разговор во сабота, 18 март.

„Откако беше прифатен договорот, фокусирани сме на имплементација на анексот, кој е клучен елемент. За да се имплементира договорот мора да се утврди редоследот на следните чекори, како и роковите и кој што треба да направи“, рече Лајчак.

Тој исто така кажа дека целта на неговата последна посета на Приштина и Белград била да ги слушне мислењата на двете страни за анексот.

„Тоа треба да биде основа на нашите дискусии во Охрид и ако успееме да постигнеме договор за овој анекс, тогаш работата е завршена“, рече Лајчак.

Можете да прочитате

Најмалку 38 лица загинаа во израелските напади врз сирискиот град Алепо

Портпаролот на терористичката „ИД“ го пофали нападот што го изврши во концертна сала во московскиот регион

Трагедија во Јужна Африка: 45 лица загинаа во автобуска несреќа