Пратениците Крмов и Јована Мојсоска излегоа од Собранието за да ги слушнат ожалостените родители, кои се собраа пред Собранието. Крмов се обиде да ги смири кажувајќи им дека од Левица побарале Собранието да ги отвори вратите за да влезат и да ја следат интерпелацијата на министерот за внатрешни работи Панче Тошковски или пратениците да излезат надвор.
„Нека нè затворат, штоа ако нè затворат, ние и така сме веќе утепани. Зошто не излезе премиерот кој платил 400.000 евра да му го мерат рејтингот. Зошто не излезе Тошковски, обвинителот Коцевски…
Го прашаа пратеникот Крмов што да прават, а тој им рече дека им преостанува само да вршат притисок.
„Граѓанска војна ли да правиме“ прашаа родителите.
