Соопштение за јавност на Левица:
Процедурално обраќање на пратеникот Борислав Крмов до спикерот Африм Гаши на денешната собраниска седница.
„Претседателе, моето процедурално денес е заради грубо кршење на членот 72 од Деловникот. Овој член предвидува дека законите примени по петтиот работен ден од месецот се разгледуваат на седница дури наредниот месец. Вие на денешнава седница имате ставено дури девет закони на дневен ред, кои ние ги имаме добиено пред неколку дена, односно после 5-тиот ден во месецот. Буквално ја покривате неспособноста на министрите во Владата и не е работа на законодавниот дом да ја покрива неспособноста на Владата. Јас сакам претседателе Гаши да ве потсетам дека Деловникот на Собранието на Република Македонија е акт со тежина на закон. Значи, вие кршите закон само и само да покриете една неспособност и неажурност на Владата”.
