Единицата за насилен криминал – Одделение за крвни и сексуални деликти при СВР Скопје поднесе кривична пријава против 18-годишниот Б. А. од село Студеничани, Скопско, и малолетник од село Моране, Скопско, поради постоење основи на сомнение за сторено кривично дело тешки дела против општата сигурност во врска со кривично дело предизвикување општа опасност, извести МВР.
„По преземените мерки и активности, било констатирано дека пријавените на 28.8.2023, околу 4 часот, на улицата Градиште во Старата чаршија во Скопје ,предизвикале пожар во угостителски објект. На 6.9.2023, со судска наредба, биле извршени претреси во домовите на двајцата, при што кај малолетникот биле пронајдени предмети што потекнуваат од кривичното дело“, соопшти МВР.
Малолетникот бил лишен од слобода и ќе биде изведен пред судија, а за Б. А. се преземаат мерки за пронаоѓање.