Кумановчани се уште се справуваат со последиците од вчерашната поплава, а премиерот кој денеска е во Куманово не ги посети. Тој присуствува на партиска трибина заедно со вицепремиерот Маричиќ на тема „Македонија во ЕУ до 2030“.
Настанот се одржува во центарот за култура „Трајко Прокопиев“, а на само неколку километри, граѓаните расчистуваат по силното невреме кое предизвика и поплави во голем број објекти поради неможноста атмосферската канализација да ја прими целата вода.
Од ЦУК рекоа дека има поплавено и подруми, а случајот не може да се реши целосно само со испумпување на водата, оти прво треба да се повлече целата надојдена вода.
