Се ослободуваат од плаќање партиципација во градинките родителите корисници на социјална помош и самохраните родители, соопшти градоначалникот на општина Бутел, Дарко Костовски.
Како што објави, предлогот е одобрен од страна на советот на општината, со цел финансиски да им се помогне на загрозените фамилии.
„Соочувајќи се со енормните поскапувања, зголемите сметки и зголемените трошоци за живот Општина Бутел носи нова мерка со која директно финансиски се помагаат на најзагрозените фамилии. Ова е уште една мерка од низата социјални мерки со која се помага на родителите. Со низа проекти ќе се обидеме да ги ублажиме ефектите од огромната финансиска криза во која се наоѓа Република Македонија“, информираше Костовски.
