Утрински Весник
Македонија

Костадинов: На сите анкети водам со 3:1, очекувам СДСМ да ме кандидира за градоначалник на Струмица

Kostadinov 2.jpg

„На сите анкети водам со 3:1 и очекувам по завршување на процедурите, партијата да донесе одлука“, изјави градоначалникот на Струмица Костадин Костадинов за САКАМДАКАЖАМ.МК, откако лидерот на СДСМ Венко Филипче ги објави првите 19 кандидати за градоначалници – меѓу кои не се најде неговото име.

Костадинов, кој беше в.д. градоначалник во 2017 по заминувањето на Зоран Заев, а потоа пратеник и актуелен градоначалник од 2021, вели дека неговото отсуство од првата листа не е изненадување.


„Го почитувам раководството и мислењето на граѓаните, кои ми даваат предност на сите анкети. Ја подготвувам програмата и ќе ја претставам пред раководството и лидерот Филипче“, рече тој од Словенија, каде ја примил информацијата.

Тој не одговори дали ќе се кандидира како независен, доколку не добие поддршка од СДСМ, а покрај него, како потенцијални кандидати се спомнуваат и Марјан Даскаловски, актуелен претседател на ОО СДСМ и Коста Јаневски, кој беше градоначалник од 2017 до 2021.

Можете да прочитате

Бочварски: После 4 години локална власт- ВМРО-ДПМНЕ не исполни ништо од ветеното

Бочварски: Очекуваме да се зголеми поддршката за СДСМ, на локалните избори ќе настапиме со коалициските партнери од изминатите десеттина години

НИ СЕ ВРАЌААТ ЛЕТНИТЕ ТЕМПЕРАТУРИ: Пред нас многу сонце и значително потопло време!