Утрински Весник
Балкан

Косовската полиција заплени пари од трезорот на НБС во северниот дел на Косовска Митровица

20240530072821 Big 730x400 80.webp.webp

Косовската полиција соопшти дека при претресот на трезорската филијала на Народната банка на Србија (НБС) во северниот дел на Косовска Митровица, затворена на 20 мај заедно со сите пет филијали на банката Поштенска штедилница во северниот дел Косово, запленила динари, евра и швајцарски франци.

Косовската полиција на 20 мај ги затвори експозитурите на Поштенска штедилница и трезорот на НБС во Косовска Митровица, но, не успеала да го отвори сефот во трезорот бидејќи одговорното лице кое имало клучевите од сефот било отсутно.

Синоќа бил отворен трезорот од одговорното лице при што се одземени 152.290 динари, 4.580 евра и 940 швајцарски франци, а управителот бил сослушан како осомничен.

Врз основа на Уредбата на Приштина, од 1 февруари е дозволено плаќање во готовина само во евра, односно забранети се динарите. 

Можете да прочитате

Напад во училиште во Белград: насилна мајка ја претепала професорката по биологија, во полиција го признала делото

Мицотакис направи реконструкција на Владата, Герапетритис останува министер за надворешни работи

Над 44 степени највисоката максимална температура во Грција во текот на вчерашниот ден