Иранската морнарица ја принудила американската подморница да излезе на површина кога влегла во Персискиот залив, изјави денеска командантот на иранската морнарица Шахрам Ирани за државната телевизија.
„Американската подморница се приближуваше додека беше под вода, но иранската подморница Фатех ја откри и изведе маневри за да ја принуди да излезе на површина додека минува низ Ормутскиот Теснец“, изјави Ирани, пренесе „Ројтерс“.
Според него, подморницата влегла во иранските територијални води, но откако била предупредена го коригирала својот курс.
„Оваа подморница даде се од себе, користејќи ги сите свои капацитети, да помине во целосна тишина и да не биде откриена“, истакна Ирани.
