Менаџерот на Ливерпул, Јирген Клоп, беше исклучително задоволен од победата над Њукасл од 0:2. Тој смета дека тоа е голем успех за неговиот тим, кој почнува да се враќа на најдоброто ниво.
Сепак, Германецот се надева дека неговите играчи ќе покажат постојаност во своите настапи.
„Огромна, огромна, огромна победа. Сè уште не сме во позиција да ја отвориме устата и да кажеме дека се вративме. На вистинскиот пат сме, во подобра позиција сме од пред неколку недели, но ни треба постојаност. Нашиот следен натпревар е против Реал Мадрид и тоа е поинакво натпреварување и поинаков натпревар. Мораме добро да се опоравиме, а потоа имаме натпревар против Кристал Палас во премиерлигата, каде исто така е тешко. Мора да продолжиме во истиот дух. Кога си во тежок момент, најлесно можеш да се извлечеш од него кога ќе покажеш упорност“, изјави Јирген Клоп.
