Кина ја објави својата поддршка за новата нацрт-резолуција во Советот за безбедност на Обединетите нации (ОН) со која се бара „итен“ прекин на огнот во Газа.
Новата нацрт-резолуција се предлага неколку дена откако Кина, како и Русија, стави вето на американската нацрт-резолуција.
– Кина ја поддржува оваа нацрт-резолуција и ја поздравува напорната работа на Алжир и другите арапски земји во овој поглед – изјави портпаролот на кинеското Министерство за надворешни работи Лин Џијан.
– Се надеваме дека Советот за безбедност ќе го одобри што е можно поскоро и ќе испрати силен сигнал за прекин на непријателствата – додаде тој.
Гласањето, кое беше закажано за сабота, беше одложено за денеска за да се избегне нов неуспех.
