Четири најлонски кеси и две стаклени тегли во која била сместена марихуана биле пронајдени кај 38-годишен скопјанец, информираа надлежните.
Имено, денеска полициски службеници од СВР Скопје-Единица за недозволена трговија со дрога, по претходно добиени оперативни сознанија и наредба за претрес од Основен кривичен суд Скопје, извршија претрес во дом на С. Т. (38) во Скопје.
При претресот пронајдени се четири најлонски кеси со околу 800 грама марихуана и две стаклени тегли со околу 200 грама марихуана и седум куршуми.
Лицето, како што соопшти МВР е лишено од слобода и задржано во полициска станица и против него ќе биде поднесена соодветна кривична пријава.