Катерина Димитровска од Изборната единица 1, на листата за пратеници на Коалицијата „Твоја Македонија“ предводена од ВМРО-ДПМНЕ, е новата пратеничка во Собранието. На денешната седница на Комисијата за деловнички и мандатно-имунитетни прашања, претседателот на Државната изборна комисија, Борис Кондарко, соопшти дека Димитровска го прифатила мандатот и ќе го пополни испразнетото место во законодавниот дом.
Димитровска ја заменува Марија Митева, која неодамна поднесе оставка на функцијата пратеник и беше назначена за нов портпарол на Владата.
