Потпретседателката на САД, Камала Харис денеска изјави дека правата за абортус се под закана низ САД, на 50-годишнината од случајот Роу против Вејд, со кој жените имаат уставно право на абортус, но минатата година Врховниот суд го поништи.
„Право на секоја жена во секоја американска држава е да донесе одлука за своето тело по ова прашање. Републиканците во Конгресот сега бараат да се забрани абортусот веднаш по зачнувањето. Како се осмелуваат“, изјави Харис, пренесе Ројтерс.
Минатата недела, претставници на Белата куќа изјавија дека во 2023 година биле поднесени 60 закони против абортусот, а повеќе од 26 милиони жени моментално живеат во американските држави кои го забранија абортусот.
