Страшна и тешка вест денес ги потресе Македонците, Панчо, втората половина од легендарната група ДНК не ја издржа борбата и за жал го изгубо животот, по седум месеци од страшната трагедија во дискотеката Пулс.
Неговата смрт ги растажи сите колеги, но тагува и цела Македонија, посебно што сите се надеваа дека тој ќе успее да се спаси.
Панчо речиси до последен ден до пред да се случи несреќата беше активен и на социјалните мрежи.
Неговите објави секогаш привлекуваа внимание, а една од последните и денес никого не става рамнодушен.
Станува збор за објавата во која Панчо е со неговиот постар син Андреја, а со која му го честиташе неговиот 14-ти роденден.
„Среќен 14-ти роденден Андреја. Не можам да ти ветам дека ќе бидам тука до крајот на твојот живот, но ти ветувам дека ќе те сакам до крајот на мојот. Те сака, тато!“, пишува во објавата со која Панчо преку Инстаграм му го честиташе 14-от роденден на својот наследник.
Боли и тоа што Андреј и Панчо беа познати и како големи хуманисти, па често донираа за сиромашни семејства и на болни луѓе, така што важеа за најхуманите музичари на македонската естрада.
Во истата трагедија згаснаа животите на 63 млади лица, а преку 200 беа повредени од кои многумина се уште се соочуваат со проблеми.
