Утрински Весник
Магазин

Kафето го намалува ризикот од цироза на црниот дроб

D0b8d181d182d180d0b0d0b6d183d0b2d0b0d19ad0b5 D0bad0b0d184d0b5d182d0be D0b5 D0bad0bed180d0b8d181d0bdd0be D0b7d0b0 D186d180d0bdd0b8d0be 63d96b8f3039c.jpeg

Научниците објаснуваат дека кафето, покрај кофеинот, има и многу биолошки активни состојки, како што се антиинфламаторни супстанции

Британските научници од Универзитетот во Саутемптон анализирале податоци од девет студии во кои учествувале речиси половина милион луѓе од шест земји. Тие ги објавија своите наоди во списанието Alimentary Pharmacology & Therapeutics.

Смртоносна болест
Заклучокот што тие го извлекоа е дека консумирањето кафе значително го намалува, речиси за половина, ризикот од цироза на црниот дроб. Колку повеќе шолји кафе, толку е помал ризикот, велат научниците.

Така, на пример, две дополнителни шолји кафе дневно го намалуваат ризикот од цироза за 44 проценти. Цирозата на црниот дроб е сериозна болест која може да биде фатална бидејќи значително ја зголемува можноста за откажување на црниот дроб и рак.

Ги блокира вирусите
Научниците објаснуваат дека кафето, освен кофеин, има и многу биолошки активни состојки, како што се антиинфламаторните супстанци. Покрај директното биохемиско дејство, кафето има директна улога и во заштитата од цироза, бидејќи различни состојки кои се наоѓаат во кафето ги блокираат вирусите на хепатитис Б и Ц, а кафето ја намалува и појавата на дијабетес тип 2.

Студијата заклучува дека поврзаноста помеѓу зголемената дневна консумација на кафе и намалувањето на ризикот од цироза на црниот дроб е голема, поголема отколку кај многу лекови кои се користат за спречување на оваа болест. Дополнително, за разлика од многу лекови, кафето нема ни приближно толку несакани ефекти.

Можете да прочитате

Украдената слика на Тицијан, пронајдена на автобуска станица во Лондон

Американскиот натпревар во јадење хотдози во живо на Нетфликс

Четиригодишно девојче се здобило со изгореници додека пливалo во море во Грција