Нивото на реката Вардар кај селото Раотинце, Општина Јегуновце, е високо и не е променето од синоќа. Водостојот на Вардар е висок и кај Велес.
Центарот за управување со кризи информира дека поради слаби локални врнежи во сливното подрачје на Кочанска река нејзиното ниво е зголемено. Од ЦУК додаваат дека во атарот на с. Облешево е високо, а реката е излеана надвор од коритото и зафатена е земјоделска површина.
Регионалниот ЦУК Прилеп известува дека по јавување на граѓанин за оштетување на коритото на „Дабнички канал“ на ул. „Кеј 19 –ти Септември“ наспроти објект – зграда 3 и е направена дупка што е проширена до работ со асфалтот од улицата.
На лице место веднаш е излезено од вработените во РЦУК Прилеп и е утврдено дека тоа претставува опасност за непретпазливи минувачи и евентуално е можно пропаѓање на асфалтот при минување на потешки возила.
