Во турскиот град Хатај, еден од најтешко погодените од двата разорни земјотреси на 6 февруари, извлечено е куче од урнатините 25 дена по земјотресот.
Екипи на АФАД и други служби работеле на отстранување на урнатините во Антакија, Хатај, кога слушнале глас под една од урнатините, по што следела потрага.
По успешната операција на екипите за пребарување и спасување, 25 дена по разорните земјотреси, од под урнатините успешно е извлечено куче териер.
Утврдено е дека кучето успеало да најде храна под урнатините, каде било затворено и така преживеало.
A dog was rescued alive in Hatay from under the rubble on the 25th day of the Turkish earthquakes. pic.twitter.com/rr8LvpSANE
— Information Worldwide (@InfoEarthwide) March 3, 2023
Откако е извлечено од под урнатините, кучето е пренесено во ветеринарна клиника, јавува Анадолија.
При отстранување на урнатините, на истата локација е пронајдено и тело на лице за кое се претпоставува дека е сопственик на спасеното куче.
Во Турција и Сирија во земјотресите на 6 февруари загинаа повеќе од 50.000 луѓе, според податоците објавени од агенцијата Франс прес.
