Во синоќешните израелски напади врз неколку области во централна Сирија, загинаа најмалку пет лица, а 19 се ранети, пренесува Асошиејтед прес (АП).
Целта на израелските сили биле голем број на воени локации, а сириската одбрана пресретнала и соборила неколку авиони и ракети.
Сириската опсерваторија за човекови права, организација со седиште во Обединетото Кралство, која известува за ситуацијата во Сирија, соопштила дека еден од нападите бил насочен кон научно-истражувачки центар во Масјаф.
Се смета дека во него биле тим ирански воени експерти вклучени во производството на оружје во Сирија.
Израелската армија се уште не ги коментира овие наводи.
Израел со години извршува напади на цели во Сирија за кои тврди дека се поврзани со Иран, а од почетокот на војната со Хамас тие напади се интензивираат.
