Собранието денеска ги избра Мухамет Хоџа за министер за животна средина и Беким Сали за министер за европски прашања.
Новите членови на владинит кабинет доаѓаат на местата на Изет Меџити, кој ја презеде функцијата градоначалник на Општина Чаир, како и на разрешениот Орхан Муртезани.
Премиерот Христијан Мицкоски во обраќањето пред пратениците истакна дека Хоџа и Сали поседуваат неопходно искуство и капацитет за професионално водење на ресорите, со акцент на заштита на државните интереси и реализација на владините политики.
Изборот беше поддржан од владејачкото мнозинство, додека опозицијата упати критики, оценувајќи го како политички маневар за прикривање на, како што наведоа, неуспесите во економијата и процесот на евроинтеграции.
По завршувањето на гласањето, новоизбраните министри дадоа свечена изјава пред пратениците во Собранието.
