Парламентарните избори во Финска се одржуваат денеска, а кампањата е обележана со влезот во НАТО и партиите организирани од премиерката Сана Марин.
Финците излегуваат на гласање само неколку дена откако турскиот парламент ја потврди поддршката за влезот на скандинавската земја во НАТО. Приклучувањето кон оваа организација е главната порака на кампањата на партијата СДП, предводена од Сана Марин.
Марин е 37-годишна финска политичарка која ја презеде функцијата од нејзиниот партиски колега Анти Рине во декември 2019 година. Тој ја напушти премиерската функција по скандалот каде се обиде да ги намали платите на голем број работници во финската пошта, а потоа во јавноста објави дезинформации за нивниот штрајк.
Раководството на Марин е генерално добро прифатено меѓу Финците. Најпопуларна беше во периодот на пандемијата COVID-19, а сега малку стивна.
Finnish election fever with less than 10 days left. My 📷 in #Vuosaari
Total of 2424 candidates, 43% are women, highest ever. Of candidates with a foreign background, 2.6% are of foreign origin, while 3.2% of eligible voters are of foreign origin. #vaalit2023 #votingiscaring pic.twitter.com/sRKtEf4jcp
— Kamilla Sultanova (@KamillaUbuntu) March 23, 2023
Особено, популарноста падна кога беа објавени снимки од приватните забави на премиерката, па дури и една слика од официјалната резиденција каде две жени се бакнуваат. Марин се извини за оваа слика, но направи и тест за дрога за да докаже дека на забавите немало употреба на недозволени супстанци.
Без разлика на партиската ситуација, Марин на овие избори влегува во очекување на победа.
