Утрински Весник
Свет

Италија се подготвува да ги забрани соларните панели на земјоделско земјиште

A39d7b89600a5d688a6276fc0bbd9ed988ffaffe.jpg

Италијанската влада усвои предлог-закон со кој се забранува поставување соларни панели на земјоделско земјиште kкако дел од пакетот мерки за заштита на земјоделството и рибарството,

„Ја прекинавме практиката на неконтролирано поставување на фотоволтаични панели на теренот“, рече министерот за земјоделство Франческо Лолобриџида на прес-конференција по седницата на Владата.

Според министерот за земјоделство, забраната нема да ги опфати „агроелектричните проекти“, кои предвидуваат поставување соларни панели над нивите и лозовите насади, на земјиште со двојна намена за производство на електрична енергија во периодот на силна сончева светлина и одгледување земјоделски култури.

Според владините претставници, министерот за енергетика Жилберто Пичето Фратин првично се спротивставил на забраната, но по седницата им рекол на новинарите дека новите мерки нема да ја загрозат целта на владата за инсталирање на околу 38 гигавати фотоволтаични централи до 2030 година.

Пакетот на владата сега мора да биде одобрен од двата дома на парламентот.

Земјоделските лобија долго време бараат ограничување на поставувањето на соларни панели на земјоделските површини, предупредувајќи дека таквата практика е некомпатибилна со одгледувањето земјоделски култури.

Здруженијата за заштита на животната средина ја обвинија владата дека ги поткопува зелените цели што ги договори со нејзините партнери од Г7.

Минатата недела Италија, заедно со своите партнери во групата Г7, се обврза дека до 2030 година ќе ги зголеми тројно инсталираните капацитети за производство на електрична енергија од обновливи извори и постепено ќе ги укине термоелектраните на јаглен во првата половина на следната деценија.

Минатата година инсталираше речиси шест гигавати (GW) капацитет за обновлива енергија, главно мали соларни електрани.

Можете да прочитате

ConocoPhillips ја купи Marathon Oil за 22,5 милијарди долари

Калињак: Закрепнувањето на премиерот Фицо, по обидот за убиство, ќе трае исклучително долго

Save the Children: 6,5 милиони авганистански деца годинава ќе се соочат со глад