Првите две епизоди од втората сезона на And Just Like That (И, едноставно, така“) беа прикажани неделава и, предизвикаа лавина реакции на социјалните мрежи.
Во пресрет на следните епизоди и најавеното кусо појавување на Саманта Џонс, повеќето луѓе коментираат само за еден лик, Миранда Хобс (ја глуми Синтија Никсон).
Според гледачите, најрационалниот лик на „Сексот и градот“ стана некој тотално во спротивност со нејзиното поранешно јас.
Многумина не ја прифаќаат новата Миранда и нејзиното однесување во серијата, а некои одат дотаму што сметаат дека сценаристот целосно го уништил ликот Миранда Хобс.
„Миранда Хобс е мртва. Синтија Никсон се глуми себеси“, пишуваат твитерџиите.
„Приказната на Миранда ќе биде причина ова да биде последната сезона.“
Гледачите особено ги иритира односот на Миранда и Че.
