Инфлуенсерката Ина Многуфина на социјалните мрежи реагира на најавата на Лекарската комора за процесот на враќање на лиценцата на доктор Кузмановски.
„Не мора да правите позитивен ПР од тоа што Лекарска Комора одлучила докторот со пријава за закани врз жена, корисник кој работел без лиценца, да помине обука и тест пред да се одлучеле за лиценца. Обуката и тестот се стандардна процедура на комората за повторно стекнување на лиценца. Буквално ги поминува и тој што не се дрогира и тој што не се заканува на жени, а сите на кои им е истечена. Не ја вртете веста накај победа, јасно е дека нема да му ја одземат туку тивко ќе протнеме нормализирање на тој однос во здравството и понатака секој еден што ќе влече ќе го третираме исто додека му дозволуваме да не лечи и да го плаќаме. Нема позитивен ПР за ова, нека не ве лаже никој Лекарска Коморо дека ќе се спинува веста и дека ќе протнете општо мислење дека ние еве го искаравме опасни сме. Не сте опасни Лекарска, разочарување сте. Секогаш кога имате можност да застанете со народот буквално наоѓате начин како да разочарате. И за Јилдиз и за ова. Терајте, ваша брука е, вие го валидизирате“ стои во нејзината објава.
