Мултимилијардерот Илон Маск продаде уште 22 милиона акции во вредност од речиси 3,58 милијарди долари од производителот на електрични автомобили „Тесла“.
Акциите беа продадени во понеделникот, во вторникот и во средата оваа недела, според поднесеното барање до американскиот финансиски регулатор.
Со оваа трансакција вкупниот број акции што ги продаде Маск во текот на изминатата година е во вредност од речиси 40 милијарди долари.
Претходно оваа недела, Маск ја загуби титулата најбогат човек на светот.
Причината за најновата продажба на акции не е откриена.
„Тесла“ е една од акциите со најлоши перформанси меѓу големите производители на автомобили и технолошки компании оваа година бидејќи инвеститорите се загрижени дека купувањето на „Твитер“ од страна на Маск го пренасочува неговото внимание.
Во средата вредноста на акциите на „Тесла“ котирани на технолошки индекс „Насдак“ во Њујорк се затвори под 500 милијарди долари првпат од 2020 година.
