Зимското сметање на времето ќе започне викендот 26-27 октомври, тогаш стрелките на часовникот ќе треба да ги вратиме еден час наназад, што значи ќе спиеме еден час повеќе.
Засега во Македонија и Европа останува промената на времето во зимско и летно сметање на времето.
Многу земји нема да го направат тоа бидејќи експертите велат дека тоа не е добро за здравјето.
Азија и многу африкански земји не ги поместуваат часовниците. Многумина се жалат, во земјите каде часовниците се поместуваат за еден час, дека имаат проблеми со спиењето и проблеми со срцето, вртоглавица. А некои студии покажаа дека има повеќе сообраќајни несреќи, повреди на работа, срцеви удари и смртност на населението.
Некои експерти истакнуваат дека утринската светлина е сигнал за нашето тело дека дошол нов ден. Значи, кога тој биолошки ритам се поместува, многу настани во организмот се нарушуваат.
Со движењето на часовникот се нарушува и хормоналната рамнотежа во телото.
Некои од нив го регулираат нивото на шеќер во крвта, стресот, гладот, лутината, задоволството.
