Покрај Ратко Капушевски, во денешната акција на МВР и ОЈО ГОКК приведен е и Асмир Јахоски, сопственик на компанијата Пуцко Петрол.
„Доцна попладнево под раководство на јавен обвинител од ОЈО ГОКК, БЈБ и МВР извршуваат претреси на повеќе локации низ државава.. Претресите се со Наредба на судија на претходна постапка од Основниот кривичен суд Скопје, а во врска со сторени кривични дела поврзани со набавка на деривати. Подетални информации ќе бидат споделени во текот на утрешниот ден“ соопштија од ОЈО ГОКК.
Асмир Јахоски е син на Исмаил Јахоски, долгогодишен пратеник и функционер на ДУИ.
