Пожарникари од Загреб ја рекреираа шаховска фотографија со Меси и Роналдо.
„Ние не сме ниту Роналдо ниту Меси, немаме куфери, ама спремни сме за пожари и земјотреси, а може и за партија шах… може и одбојка, борење, пинг-понг и… Играј моја Хрватска“, напишаа тие под фотографијата на која двајца пожарникари седат во исти пози како Кристијано Роналдо и Лео Меси, над шаховска табла.
Фотографијата шах Роналдо-Меси, која деновиве беше топ тема и на социјалните мрежи и медиумитe, е реклама на модниот бренд „Луј Витон“. Оваа објава собра речиси 40 милиони лајкови на инстаграм-профилот на Кристијано Роналдо.
