Соопштение за јавност на СДСМ:
Претседателот на СДСМ, Венко Филипче, обивни дека Мицкоски закасни со една половична мерка без ефект за намалување на цените и побара Владата итно да ги прифати мерките на СДСМ, намалување на ДДВ за горивата на 5%, помала акциза за 4 денари и укинување на ДДВ за храна.
Само со вакви конкретни мерки може да се постигне реално намалување на цените и заштита на животниот стандард на граѓаните.
„Намалувањето на цената на ДДВ-то за горивата од 18% на 5%, дополнително намалување на акцизата за горивата за 4 денари, 0% ДДВ за основните прехранбени продукти и преполовување на цените на патарините. Само со мерката за укинување на ДДВ на храната ќе поевтинат околу 250 производи, а граѓаните ќе заштедат над 2.000 денари. Тоа се вистински мерки и затоа владата мора апсолутно веднаш овие мерки да ги прифати и потоа да подготви и пакети за помош на ранливите категории”, посочи Филипче.
Тој предупреди дека очигледно е дека оваа влада намерно избегнува суштински мерки како што се намалување на акцизите на ДДВ-то, нешто што навистина може да даде реално поевтинување на цените на горивата, како и намалување на ДДВ-то на храната.
„Суштинските решенија мора да опфатат и мерки за долгорочно намалување на цените на храната, комбинирано и со акцизите на цените на горивата. Луѓето немаат пари да ги прехранат семејствата. Дополнително, треба да се подготват пакети со помош за најранливите категории на граѓани, понатаму пакети за помош и на земјоделците. Најреален ефект којшто ќе се почувствува, кој што граѓаните ќе го почувствуваат, стопанството ќе го почувствува е да се прифатат нашите предлог-закони, предлог мерки”, рече Филипче.
