Холандија нема да учествува во вечерашното финале на Евросонг кој се одржува во шведскиот град Малме. Холандскиот претставник Јост Клајн иако мина во полуфиналето, в очи на финалната вечер заработи дисквалификација. „Шведската полиција спроведе истрага по поплака од член на продукцијата, по инцидентот што се случил во четвртокот, по неговиот настап во второто полуфинале. Додека истрагата е во тек, не е во ред за него да продолжи со натпреварот. Сакаме да ставиме до знаење дека и покрај пишувањата во медиумите и објавите на социјалните мрежи, оваа одлука нема никаква врска со другите изведувачи на натпреварот, се вели во соопштението во кое се алудира дека инцидентот на прес-конференција, кога пејачот ја покри главата додека зборуваше претставникот на Израел, немаше никаква врска со одлуката. Во соопштението понатаму се наведува дека организаторите „немаат толеранција за несоодветно однесување“, а нивната основна цел е да обезбедат безбедна средина за сите учесници и членови на делегации и организатори. Холандскиот претставник на Евровизија, Јост Клајн, сега е дисквалификуван од Евровизија, а пред неколку месеци веќе беше „мета“ поради Русија. Според странските медиуми, Украина еднаш објавила статија за холандскиот рапер Клајн и неговите односи со Русија. Според оваа статија, Клајн има песна во неговата дискографија која ја изразува својата љубов кон Русија. Предметната песна се вика „Jackass“ и е снимена во соработка со CMH, руски изведувач и беше објавена на 11 март 2022 година. “Здраво, јас се викам Џаст Клајн. Ја сакам Русија, човеку. Верувам дека сакаш среќна Русинка. Сакам Русинка. Сакам неколку руски бебиња!”, гласеше текстот на песната. Меѓутоа, тогаш одговорот на тврдењата дека Клајн е проруски беше дека не се точни.
Холандскиот претставник дисквалификуван од финалната вечер на Евросонг
