Утрински Весник
Балкан

Хеликоптер ја надлетува локацијата кадешто исчезна Данка, постои можност да се пребарува и најблиското езеро

Danka1.jpg

Хеликоптери ја надлетуваат локацијата во Бањско Поле каде што исчезна двегодишната Данка од Србија. На терен се бројни припадници на полицијата.

Полицијата и спасувачите вчера го пребарале тунелот и подземните канали, а наводно, според информации на српските медиуми, планираат да го пребараат и блиското Борско езеро, но за тоа нема потврда.

Вчера полицијата ја однела мајката на Данка, Ивана на локацијата каде последен пат било видено девојчето за да може детално да ги реконструира нивните движења тој ден, додека денеска со хеликоптери на српската МУП се надгледува локацијата на исчезнувањето и околните шуми, пренесува Нова.рс.

Потрагата влезе во петтиот ден, но се уште нема никакви траги.

Деновиве полицијата, меѓу другото, разговараше со родителите, роднините и соседите во обид да нареди што повеќе парчиња во мозаикот на истрагата.

Можете да прочитате

Вучиќ: Ако биде изгласана резолуцијата за Сребреница, ќе бараме непостојано место во Советот за безбедност на ОН

Уапсен е поранешниот главен специјален обвинител на Црна Гора, осомничен e за создавање криминална организација

Земјотрес со јачина од 4,3 степени ја погоди грчката провинција Тесалија