Членовите на синдикатот за железнички, поморски и патен транспорт (РМТ) во Лондон денеска штрајкуваат, поради што настана хаос во британската престолнина бидејќи голем број станици на подземната железница беа затворени.
Синдикатот РМТ побара штрајк поради долготрајниот спор околу вработувањето и пензиите. Според податоците од Градскиот транспорт во Лондон (TFL), девет од 11 станици на подземната железница биле затворени утрово.
Поради проблеми со транспортот, многу работодавци побараа работниците да работат од дома. Сепак, полицијата предупреди и на метеж на патиштата бидејќи луѓето кои не можат да работат од дома ќе се обидат да најдат алтернативен начин да стигнат до своето работно место.
РМТ соопшти дека понудиле да го прекинат штрајкот за време на разговорите, но ја обвинија ТФЛ дека ги отфрлила нивните предлози. Службеникот на ТФЛ, Глин Бартон, рече дека не биле дадени предлози за промени во пензискиот систем или условите за работа.
