Без реакција остана ДУИ откако Стејт департментот обзнани дека нивниот кадар, градоначалникот Рамиз Мерко се најде на така наречената црна листа на САД.
„Макфакс“ исконтактира со функционерите од партијата, Артан Груби и Бујар Османи – но тие не одговорија на нашите пораки. Изостана став за прашањето дали ќе го пратат во политичка пензија и ќе побараат одговорност.
Четири часа, Груби и Османи не одговараат дали веруваат на тврдењата од Стејт департментот, кога велат дека Мерко присвојувал средства, се мешал во судството и ја намалувал довербата која јавноста ја има во институциите. Тишина има и на прашањето каква порака испрати Стејт департментот со чекорот Мерко да не биде добредојден во САД.
Инаку, попладнево, беше објавена одлуката со која струшкиот градоначалник Мерко е уште еден функционер од Македонија кој е на црната листа на САД. Ниту тој не се прозинесе за ваквата одлука, по нејзиното официјално објавување.
