Интегрален текст од соопштение за јавност на ГРОМ:
Граѓанската опција за македонија – Гром реагира на смешното соопштение од ВМРО-ДПМНЕ во кое нашиот претседател го праќаат да држи пресови на Бихачка оти тие му ја поднеле кривичната пријава. Вмро-Дпмне треба да знае дека:
1. Кривична пријава може да поднесе секој ама судот е тој што ги цени фактите и доказите и го штити секој граѓанин од неоправдана репресија од било кое лице или орган. Во конкретниов случај, таква заштита нашиот претседател нема, напротив Вмро-Дпмне изврши притисок врз судот за да се добие осудителна пресуда;
2. Очигледно дека Вмро-Дпмне кривичните пријави си ги делат на наши и ваши, односно вмровски и сдсмовски и со ова потврдуваат дека ова е политички монтиран процес;
3. Нашиот претседателот ќе прави прес конференција на Бихачка тогаш кога СДСМ на диво ќе изгради објект како што е нивната тераса пред Белата Палата;
4. Кога сме кај кривичните пријави, јавноста сака да знае што стана со вашите кривични пријви поднесени токму во времето на СДСМ? Како вие ги разрешивте? До каде е предметот за Талир 1 и Талир 2 за испраните пари и криминалното финансирање на партијата и Белата Палата. Вмро Дпмне овие 2 случаи ги реши со тоа што го промени обвинителот.
Вмро-Дпмне кога е на власт практицира политички прогон и репресија, а кога е во опозиција лее крокодилски солзи за нивните криминали, корупција и перење пари, дека некој се обидува со нив политички да се пресметува. Во случајот на Стевче Јакимовски, Вмро Дпмне се изрезилија до крај, го испоганија судството, а со ова покажуваат дека и натаму ќе продолжат со политичките притисоци и целосна партизација на правосудниот систем.
