Најдобриот и најискусниот нема да бидат во составот на Грција на Мундобаскетот. Според грчки „Спортал“, Светското првенство ќе го пропуштат Јанис Адетокумбо и Костас Слукас.
Кошаркарот на Милвоки Бакс, Адетокумбо, сакал летниот период да го искористи за целосно да се рехабилитира од повредата, со која се мачеше цела сезона и поради која пропушти три натпревар од серијата со Мајами, во првото плеј-коло.
Покрај Јанис, Грците на Мундобаскетот ќе останат и без искусниот плејмејкер Костас Слукас, кој му соопштил на селкторот Димитирис Итудис, дека сака да земе долг одмор по напроната сезона.
На претстојниот Мундобаскет чиј домаќин ќе бидат Филипините, Јапонија и Индонезија, Грција ќе игра во групата Ц заедно со Соединетите Американски Држави, Јордан и Нов Зеланд.
