Мостарската полиција трага по разбојници кои го украле сефот од менувачница во трговскиот центар „Бинго“ во населбата Сутина во Мостар, потврдуваат од полицијата за тамошните медиуми.
Обезбедувањето пријавило упад на банкоматите во тој објект.
При излегување на местото на настанот, полицијата констатирала дека на влезот се оштетени двете лизгачки врати, додека на банкоматите нема знаци на упад.
Било утврдено и дека сторителите се оддалечиле од местото на настанот со автомобил „пасат“ со регистарски број на Република Хрватска.
Но, недолго потоа се дознало дека од менувачницата до влезната врата бил украден сеф во кој имало поголема сума пари, што го потврдил и Људевит Мариќ, портпарол на Управата на полицијата.
Според полицијата, разбојниците претходно украле Пасат од паркингот кај Студентскиот дом, а сопственикот на автомобилот пријавил во полиција неколку часа подоцна.
Со тој автомобил, разбојниците возеле во рикверц и удриле во влезната врата на трговскиот центар, по што според достапните информации се провлекле до сефот и го украле. Автомобилот бил пронајден подоцна.
Полицијата ги презема сите неопходни мерки и дејствија со цел расчистување на ова разбојништво, пишуваат медиумите во регионот.
